اجمیر:ملک کی دوسری ریاستوں کی طرح عالمی شہرت یافتہ خواجہ معین الدین چشتی کی درگاہ اجمیر شریف میں عید میلاد النبی کی تیاریاں زور شور سے جاری ہے۔حضرت محمد مصطفی صلی اللہ علیہ وسلم کے جشن یوم ولادت کے موقع پر دنیا بھر میں عید میلاد النبی کا جلوس نکالا جائے گا۔ ریاست راجستھان کے اجمیر شریف میں بھی جلوس کی تیاریوں کو لے کر جوش و خروش دیکھا جا رہا ہے۔
, غریب نواز خدمت فاؤنڈیشن, اجمیر شریف کے چئیرمین حاجی سید عمران چشتی نے کہاکہ درگا علاقہ سمیت مسلم علاقوں میں گھروں پر زبردست روشنی کی گئی ہے۔ میلاد شریف کا اہتمام کیا جا رہا ہے, اس موقع پر خواجہ صاحب کی درگاہ میں بھی نبی پاک صلی اللہ علیہ وسلم کا منہ مبارک کا دیدار عقیدت مندوں کو نصیب ہوگا۔
انہوں نے کہاکہ غریب نواز خدمت فاؤنڈیشن کے چیئرمین حاجی سید عمران چشتی کے مطابق 12 ربیع الاول کے موقع پر عقیدت مندوں کے لیے لنگر کا اہتمام کیا جاتا ہے اور خصوصی طور پر تمام عاشق رسول صلی اللہ علیہ وسلم سے گزارش کی جاتی ہے کہ میلاد النبی کے جلوس میں ادب و احترام کے ساتھ شرکت کریں۔