اجمیر: امیتابھ بچن کی صحت اور لمبی عمر کے لیے درگاہ میں دعا

بالی ووڈ کے شہنشاہ اداکار امیتابھ بچن آج 78 برس کے ہو گئے ہیں۔ ان کے مداح بڑے ہی دھوم دھام کے ساتھ امیتابھ بچن کی سالگرہ منا رہے ہیں۔ اجمیر شریف درگاہ میں بھی امیتابھ بچن کی یوم پیدائش پر ان کی صحت اور لمبی عمر کے لیے بھی دعا کی گئی، ساتھ ہی اس موقع پر دودھ پیش کیا گیا۔

سلطان الہند حضرت خواجہ معین الدین چشتی کی بارگاہ میں بالی وڈ کے سپر اسٹار امیتابھ بچن کی صحت تندرستی اور لمبی عمر کی دعا کے ساتھ ان کا جشن یوم پیدائش منایا گیا۔

اجمیر شریف درگاہ میں بالی وڈ دعاگو سید قطب الدین سخی نے حضرت بی بی ماں چمیلی کے مزار پر دودھ کی مشق بھی پیش کروائیں۔ عقیدت مندوں نے دودھ نوش فرمایا اور امیتابھ بچن کی لمبی عمر کی دعا مانگی۔

اداکار امیتابھ بچن کی پیدائش الہ آباد میں 11 اکتوبر 1942 میں ہوئی تھی۔ امیتابھ بچن خواجہ غریب نواز میں بے حد عقیدت رکھتے ہیں، یہی وجہ ہے کی 42 سال قبل انہوں نے خواجہ صاحب سے مرادیں مانگی تھی اور پوری ہونے پر غریب نواز کی بارگاہ میں پہنچ کر منت کا دھاگا بھی کھولا تھا۔

سپر اسٹار امیتابھ بچن نے اپنے کیریئر کا آغاز کولکاتہ میں بطور سپروائزر کی نوکری سے کیا تھا۔ سنہ 1969 میں انہیں پہلی بار خواجہ احمد عباس کی فلم ساتھ ہندوستانی میں اداکاری کا شرف بھی حاصل ہوا تھا۔