جئے پور: ارسلان قتل معاملے میں ایک گرفتار

15 جنوری کو ارسلان کو اغوا کر لیا گیا تھا جس کے بعد پولیس اسٹیشن میں گمشدگی کا معاملہ درج کرایا گیا تھا، کافی تلاش کے بعد ارسلان کی لاش برآمد ہوئی ہے۔

ریاست راجستھان کے دارالحکومت جئے پور کے نائی کی تھڑی علاقے کا رہائشی گمشدہ ارسلان کی لاش برآمد ہوئی ہے، 15 جنوری کو گیارہ برس ارسلان گمشدہ ہوگیا تھا جس کے بعد تھانے میں شکایت درج کرائی گئی تھی، پولیس نے ارسلان کی تلاشی کے لیے ایک خصوصی ٹیم بھی تشکیل دی تھی۔

پولیس اہلکار پریس دیش مکھ نے میڈیا سے بات چیت کرتے ہوئے کہا کہ بچے کے گم شدہ ہونے کے درمیان ہم لوگوں کو محض بچے کی ایک تصویر ہی ملی تھی، جس کے بعد ہم نے تلاشی شروع کی۔

تلاشی اور تفتیش کے دوران یہ سامنے آیا کہ ایک آصف نام کا شخص ارسلان کی تصویر کھینچ رہا تھا اسی کی بنیاد پر ہم لوگوں نے آصف کو گرفتار کرلیا پوچھ گچھ کے دوران آصف نے قبول کیا کہ اسی نے ارسلان کا قتل کیا ہے۔

پریس دیشمکھ نے مزید معلومات دیتے ہوئے بتایا کہ آصف کا کہنا ہے کہ اس نے بچے کو فروتی کے مقصد سے اغوا کیا تھا اس درمیان اس بچے کے ہاتھ اور پیر باندھنے اور اس کا منہ دبانے سے اس کی موت ہوگئی، انہوں نے کہا کہ آصف کا فی الحال کوئی بھی پولیس بیک گراؤنڈ نہیں ہے۔