جے پور: مہنگائی سے عوام پریشان، گھر کا خرچ چلانا ہوا مشکل

عالمی وبا کورونا وائرس کی وجہ سے ملک میں نافذ ہوئے لاک ڈاؤن نے جہاں لوگوں کے کاروبار کو بری طرح متاثر کر دیا تھا، اور لوگ اس سے ابھی تک متاثر ہیں۔ تو دوسری جانب روز بہ روز مہنگائی کے سبب عوام کی مشکلات میں اضافہ ہوتا جا رہا ہے۔

مہنگائی کا اندازہ اسی بات سے لگایا جا سکتا ہے کہ گزشتہ 26 روز میں ہی سیلنڈر کی قیمتوں میں چار مرتبہ اضافہ کیا گیا ہے۔ گزشتہ روز چوتھی مرتبہ 25 روپے ایل پی جی گیس سلینڈر کی قیمت میں اضافہ کر دیا گیا ہے۔ ایسے میں اب ایل پی جی گیس سلینڈر کی قیمت 798 روپے سے اضافہ ہو کر823 روپے ہو گئی ہے۔

راجستھان کے کئی اضلاع میں پٹرول کی قیمت 100 روپے لیٹر کے قریب بھی پہنچ چکی ہے۔ گیس سلینڈر اور پیٹرول مہنگا ہونے کی وجہ سے عام آدمی شدید مشکلات کا سامنا کرنا پڑ رہا ہے۔

مقامی شخص صدام حسین کا کہنا ہے کہ ابھی تک ہم لوگ کورونا اور لاک ڈاؤن سے متاثر تھے۔ اور اب دن بہ دن ہورہی مہنگائی سے گھر کا خرچ چلانا مشکل ہو گیا ہے۔