ریاست راجستھان کے ادے پور میں کورونا مریضوں کی تعداد میں مسلسل اضافہ ہورہا ہے۔ ادے پور میں کورونا مثبت مریضوں کی تعداد بڑھ کر 8 ہوگئی ہے۔
منگل کے روز ادے پور میں ایک اور کورونا مثبت مریض پایا گیا ہے۔ یہ مریض آر اے سی بٹالین کا جوان ہے۔ اس جوان کی ڈیوٹی جے پور میں تھی۔
بتایا جارہا ہے کہ 'آر اے سی بٹالین کا یہ سپاہی ادے پور کا رہائشی ہے۔ کچھ دن پہلے لاک ڈاؤن کے دوران جوان اپنے گاؤں سلمبر آیا تھا۔ اس جوان کی ڈیوٹی جے پور میں تھی۔ لیکن انتظامیہ اور پولیس محکمہ نے جوان کو سلمبر کے بس اسٹینڈ پوسٹ پر ڈیوٹی دینے کو کہا تھا۔'
جوان نے وہاں 18 اپریل تک ڈیوٹی کی۔ اس کے بعد وہ اپنے سسرال گیا اور وہاں سے پیر کے روز کار سے جے پور کے لئے روانہ ہو گیا۔
جے پور پولیس لائن میں منگل کے روز جوانوں کی کورونا جانچ کے دوران اس جوان کو کورونا مثبت پایا گیا۔
