Quality Education: 'اعلیٰ معیاری تعلیم کی روشنی سے قوم کی تعمیر'

راجستھان کے گورنر کلراج مشرا(Kalraj Mishra) نےتعلیم کے شعبے میں جدت کی اہمیت کو بتاتے ہوئے کہا کہ اس سے ہم ہنرمندی کی نشوونما، صلاحیت اور مہارت میں اضافہ اورعملی علم سے نوجوانوں کو خودکفیل بنانے کی سمت میں قدم بڑھا سکتے ہیں۔

راجستھان کے گورنر کلراج مشرا نے کہا ہے کہ اعلیٰ معیار اور عملی تعلیم کی روشنی سے ہی صحیح معنوں میں قوم کی تعمیر ہوسکتی ہے۔ اس کے لیے طلبہ کو نظریاتی تعلیم کے ساتھ ساتھ عملی تعلیم بھی وقت کی اہم ضرورت ہے۔

مشرا جمعرات کو راجسمند کے بلوٹا گاؤں میں موہن لال سکھاڈیہ یونیورسٹی ادے پور کے شری ناتھ پیٹھ سینٹر آف ایکسی لینس کے سنگ بنیاد کے بھومی پوجن پروگرام سے خطاب کر رہے تھے۔ انہوں نے کہا کہ تعلیم انسانیت کی صفات سے بھرپور ہونے کے ساتھ ساتھ عملی بھی ہونی چاہیے۔ اس میں ہمارے فن، ثقافت، فلسفہ کا امتزاج ہونا چاہیے جس سے بنی نوع انسان کی فلاح ممکن ہوسکے۔

مشرا نے اس موقع پر تعلیم کے شعبے میں جدت کی اہمیت کو بتاتے ہوئے کہا کہ اس سے ہم ہنرمندی کی نشوونما، صلاحیت اور مہارت میں اضافہ اورعملی علم سے نوجوانوں کو خودکفیل بنانے کی سمت میں قدم بڑھا سکتے ہیں۔

انہوں نے اس کے لیے تمام یونیورسٹیوں کو اس سمت میں کام کرنے کی ضرورت بتائی۔ انہوں نے کہا کہ نظام تعلیم ایسا ہونا چاہیے کہ طلبہ اپنی ذہنی و فکری سمیت ہمہ گیر ترقی سے ملک کے ذمہ دار شہری بن سکیں۔ انہوں نے کہا کہ عورت کی طاقت قوت برداشت کامظہر، ہنر مندی اور بہت سی خوبیوں سے بھرپور ہوتی ہے۔ انہوں نے خواتین کی تعلیم پر زور دیتے ہوئے کہا کہ اس کے لیے خصوصی انتظامات کرنے کی ضرورت ہے۔

یواین آئی