مسلمانوں نے پھولوں کی بارش سے کانوڑ یاتریوں کا استقبال کیا

ریاست راجستھان کے دارلحکومت جئے پور کے بھٹہ بستی علاقے میں مسلمانوں نے پھولوں کی بارش سے کانوڑ یاتریوں کا استقبال کیا۔

ایک طرف جہاں ہمارے ملک میں کچھ طاقتیں مفاد پرستی کے باعث ہندو اور مسلمان کے نام پر لڑانے کی کوشش کررہی ہیں وہیں دوسری طرف دونوں مذاہب ایک دوسرے کا ہاتھ تھامے نظر آئے۔
واضح رہے کہ راجستھان میں سبھی کانوڑ یاترا پولیس کے پہرے میں نکالی جارہی ہے ۔ لیکن اس منظر کے ہر شخص تعریف کررہا ہے۔
جیسے ہی کانوڑ یاترا الگ الگ راستوں سے ہوتے ہوئے جئے پور کے بھٹہ بستی علاقے میں پہنچی تو یہاں پر مسلم معاشرے نے پھولوں کی بارش کرکے یاترا کا استقبال کیا۔

پپو قریشی اور عبدل لطیف نے بتایا کہ ایسے وقت میں اس طرح کے پروگرام کا انعقاد کرنے کا مقصد ان لوگوں کو جواب دینا ہے جو ہمارے ملک بھارت کو تقسیم کرنےکی کوشش کررہے ہیں۔انہوں نے مزید کہا کہ ہم ایسے لوگوں کو بتانا چاہتے ہیں کہ تمہاری تعداد کم ہے کیونکہ تم بھارت کو تقسیم کرنا چاہتے ہو اور ہماری تعداد زیادہ ہے کیونکہ ہم بھارت کو جوڑنا چاہتے ہو۔کانوڑ یاتریوں کا اس بارے میں کہنا ہے کہ مسلم معاشرے کے طرف سے انعقاد کیے گئے اس پروگرام سے ہم خوش ہیں اور ان کا شکریہ ادا کرتے ہیں۔یاتریوں نے بتایا کہ آج کے اس پروگرام کو دیکھ کر ہم کہہ سکتے ہیں کہ آج تک جئے پور میں اس طرح کے پروگرام کا انعقاد نہیں کیا گیا ہے۔