ماہ رمضان المبارک کے ختم ہونے میں کچھ ہی روز بچے ہیں اور اس کے بعد عید الفطر کا تہوار منایا جائے گا۔ اس تہوار کے درمیان بھارت میں کورونا وائرس کی وبا کافی زیادہ پیر پسار رہی ہے۔ اس صوبہ کے مدنظر اب مسلم برادری کے مذہبی رہنماؤں کی جانب سے اپیل بھی کی جارہی ہے۔
شیر محمد مفتی اعظم راجستھان ریاست راجستھان کے مفتی شیر محمد کی جانب سے ایک بڑی اپیل کی گئی ہے۔ اس اپیل میں مسلم برادری سے یہ کہا گیا ہے کہ وہ عید الفطر کے موقع پر اپنے گھروں میں ہی رہیں اور عید الفطر کی نماز کے طور پر نفل کی نماز اپنے گھروں پر ہی ادا کریں۔
عید کو لے کر مفتی اعظم شیر محمد کی اپیل انہوں نے کہا کہ موقع کی نزاکت کو دیکھتے ہوئے شہر قاضی صاحبان، علمائے کرام، مفتی حضرات اور تمام لوگ اپنی وطن پرستی کا ثبوت دیں اور بھارت کو اس کورونا وائرس جیسی وبا سے بچائیں۔ ایک ساتھ کسی طرح سے کوئی بھی نماز ادا نہ کرے، کیونکہ ایک ساتھ جمع ہونے پر یہ وبا کافی زیادہ لوگوں کو متاثر کر سکتی ہے۔
مفتی صاحب نے یہ بھی مطالبہ کیا ہے کہ ہم لوگوں کو زیادہ سے زیادہ پولیس انتظامیہ کا تعاون کرنا ہے۔ انہوں نے کہا کہ آج موجودہ وقت میں جس طرح کے حالات ہو رہے اس کے مدنظر حکومت کی جانب سے ہمارے لیے جو فیصلہ لیا جا رہا ہے وہ ہمارے لیے کافی زیادہ بہتر ہے۔
