Rajasthan Muslim Waqf Board: راجستھان مسلم وقف بورڈ کی زمین کا ناجائز استعمال جاری

راجسھتان کے جے پور میں رام گڑھ علاقے میں وقف بورڈ کی زمین کو ناجائز طریقے سے استعمال کیا جا رہا ہے، جس پر وقف بورڈ نے کہا کہ تحقیق کر کے اس معاملے میں کاروائی کی جائے گی۔ Rajasthan Waqf Board Land

جے پور:ریاست راجستھان کے دارالحکومت جے پور کے رام گڑھ موڑ کے علاقے میں واقع کربلا درگاہ کے میدان میں راجستھان مسلم وقف بورڈ کی زمین کا ناجائز استعمال کیا جا رہا ہے، جس پر وقف بورڈ کے آفیسر نے کہا کہ جلد اس معاملے میں کاروائی کی جائے گی Misuse of Rajasthan Muslim Waqf Board land continues۔

علاقے میں جب بھی کوئی شادی کا پروگرام ہوتا ہے تو میرز گارڈن والوں کی جانب سے کربلا درگاہ کے میدان میں ٹینٹ لگا دیے جاتے ہیں، جس طرح سے وقف بورڈ کی زمین کا ناجائز استعمال کیا جا رہا ہے اس کو لے کر مقامی باشندوں میں بھی کافی غصہ نظر آرہا ہے۔

مقامی باشندوں نے اپنے غصے کا اظہار کرتے ہوئے راجستھان مسلم وقف بورڈ سے کارروائی کرنے کی مانگ کی۔ وہیں راجستھان مسلم وقف بورڈ کے اعلیٰ افسران کا کہنا ہے کہ وہ اس معاملے کا پتہ لگا رہے ہیں، جس کے بعد کارروائی کی جائے گی۔