دہلی سے اجمیر شرییف جانے والے لوگوں کے لیے میڈیکل وین

اجمیر شریف میں مہرولی اور دلی سے اجمیر تک پیدل سفر کر کے آنے والے لوگوں کی صحت یابی کیلئے درگاہ کمیٹی نے ایک میڈیکل وین دہلی روانہ کی ہے۔

ریاست راجستھان میں اجمیر شریف میں سالانہ عرس کے لیے دہلی کا ملنگ طبقہ 15 دن تک پیدل چل کر اجمیر پہنچتا ہے۔

یہ جتھہ دہلی سے اجمیر کے لیے روانہ ہو گیا ہے اور 25 فروری کو اجمیر شریف پہنچے گا، اس درمیان عقیدت مندوں کے ذریعہ ان کے لنگر کا بھی اہتمام کیا جاتا ہے، درگاہ کمیٹی نے گذشتہ سال کے طرح اس سال بھی ملنگوں کے میڈیکل چیک اپ اور سہولیات کے لئے ایک وین اجمیر سے دلی کے لئے روانہ کی ہے۔

اس میڈیکل وین کو قائڑ سے درگاہ کمیٹی صدر امین پٹھان نے ہری جھنڈی دکھا کر روانہ کیا جس میں ملنگوں کو سفر کے دوران زخمی ہونے یا طبیعت بگڑنے پر معقول علاج دیا جاسکے گا۔

جہاں ایک طرف لوگ آج ماڈرن دنیا کو اپنا رہے ہیں وہیں بھارت کی عوام کے دلوں میں بزرگ شخصیات اور اللہ کے ولیوں کے لیے ایک خاص مقام ہے۔