مدرسہ پیرا ٹیچرس کو مسلم تنظیموں کی حمایت، حکومت سے تنخواہ کا مطالبہ

راجستھان میں عیدالاضحیٰ کے موقع پر راجستھان مدرسہ بورڈ کے افسران اور ملازمین یعنی مدرسہ پیرا ٹیچرس کو تنخواہ نہیں ملنے کا معاملہ اب طول پکڑتا جا رہا ہے۔

اس پورے معاملہ پر راجستھان مسلم پریشد تنظیم کے ریاستی صدر یونس چوبدار کی جانب سے راجستھان کے وزیر اعلیٰ اشوک گہلوت اور اقلیتی وزیر صالح محمد کو ٹوئیٹ بھی کیا گیا ہے۔

اس ٹوئیٹ میں کہا گیا ہے کہ جس طرح سے مدرسہ بورڈ کے افسران اور ملازمین اور مدرسہ پیرا ٹیچر کی تنخواہ نہیں ملی ہیں۔ یہ معاملہ جن افسران و ملازمین کی لاپروائی کی وجہ سے یہ معاملہ پیش آیا ہے، ان پر سخت کارروائی کی جائے۔

حکومت سے تنخواہ کا مطالبہ

واضح رہے کہ راجستھان کے مدارس میں چھ ہزار سے زیادہ مدرسہ پیرا ٹیچرس اپنی خدمات انجام دیتے ہیں۔ لیکن ان لوگوں کو عید کے موقع پر دو ماہ کی تنخواہ بھی نہیں ملی ہے۔ اس لئے راجستھان کی مسلم تنظیموں کے ذمہ دار ان کی حمایت کر رہی ہیں۔