مدرسہ پیرا ٹیچرز اور اردو اساتذہ جسلمیر میں احتجاج کریں گے

بھارتی ریاست راجستھان کے مدرسوں میں پڑھانے والے اساتذہ یعنی پیرا ٹیچر اور سرکاری اسکولوں میں اردو پڑھانے والے اساتذہ 12 اگست بدھ کے روز صبح گیارہ بجے اپنے مطالبات کو لے کر جیسلمیر میں احتجاجی مظاہرہ کریں گے۔

یہ احتجاجی مظاہرہ راجستھان اردو اساتذہ تنظیم کے ریاستی صدر امین قائم خانی کی قیادت میں ہو گا۔

یہ احتجاج جسلمیر میں اس لیے کیا جا رہا ہے کیونکہ جیسلمیر کے ہوٹل سوریا گڑھ میں راجستھان کے وزیر اعلیٰ اشوک گہلوت کو حمایت دینے والے تمام رکن اسمبلی ٹھہرے ہوئے ہیں۔

مدرسہ پیرا ٹیچر تنظیم کے ریاستی صدر مسعود اختر کا کہنا ہے کہ، 'جب سے راجستھان میں کانگریس حکومت بنی ہے تب سے راجستھان میں اقلیتوں کی جانب توجہ نہی دی جا رہی ہے۔ جبکہ سو فیصد ووٹ اقلیتی طبقے کے لوگ کانگریس کو ہی دیتے ہیں۔'

مسعود اختر کا کہنا ہے کہ، 'اقلیتی طبقے کے لوگوں نے کانگریس حکومت بنانے کے لیے اپنی جی جان سے محنت کی، لیکن پھر بھی اس طرح سے ہم لوگوں کو الگ کر دینا، ہماری جائز مطالبات کی جانب توجہ نہی دینا یہ کون سی بات ہوی؟'

مسعود اختر کا کہنا ہے کہ، ' ڈیڑھ برس مکمل ہونے کے باوجود مدرسہ پیرا ٹیچرس کے لیے حکومت نے کچھ بھی نہیں کیا۔'

مسعود اختر کا کہنا ہے کہ، 'ہم گزشتہ عرصے سے یہی مطالبہ کر رہے ہیں کہ ہم کو پرماننٹ کیا جائے، لیکن حکومت ہماری مطالبات کی جانب توجہ نہی دے رہی ہے۔

اس لیے ہمیں مجبوراً جیسلمیر میں جہاں پر تمام رکن اسمبلی ٹھہرے ہوئے ہیں، وہاں پر احتجاجی مظاہرہ کرنا پڑے گا۔'