جماعت اسلامی ہند کے وفد کا ریپ متاثرہ خاندان سے ملاقات

ریاست راجستھان کے دارالحکومت جے پور میں جماعت اسلامی ہند کے رہنماؤں نے 'الور جنسی زیادتی معاملے' کے سلسلے میں متعلقہ خاندان کے افراد سے ملاقات کی اور ان کی ہر ممکن مدد کرنے کی یقین دہانی کرائی۔

جماعت اسلامی ہند کے ریاستی صدر محمد ناظم الدین نے میڈیا سے بات کرتے ہوئے کہا کہ جس طرح سے ملزمین نے درندگی کا مظاہرہ کیا اس کی جتنی بھی مذمت کی جائے وہ کم ہے۔

انہوں نے حکومت اور انتظامیہ سے ملزمین کے خلاف سخت کاروائی کا مطالبہ کیا ہے۔

انہوں نے پولیس انتظامیہ پر لاپرواہی کا الزام عائد کرتے ہوئے کہا کہ حکومت ان تمام پولیس اہلکاروں کے خلاف ایف آئی آر درج کرے جو اس میں شامل ہیں۔