ڈونگر پور تشدد کے سبب باسواڑا میں انٹرنیٹ خدمات معطل

مظاہروں کو دیکھتے ہوئے بانسواڑہ پولیس اور انتظامیہ بھی الرٹ ہو گئی ہے۔ ناکہ بندی میں اضافہ کرتے ہوئے پولیس مشتبہ افراد کے ساتھ ساتھ بھارتی ٹرائبل پارٹی کے کارکنان پر بھی نظر رکھے ہوئے ہے۔

ریاست راجستھان کے ڈونگر پور میں ایس ٹی امیدوار اپنے مطالبات کو لے کر گذشتہ 3 دن سے قومی شاہراہ 8 پر مظاہرہ کررہے ہیں۔

وہیں ڈونگر پور کے پڑوسی اضلاع کو بھی ایس ٹی امیدواروں کے پرتشدد مظاہروں کے پیش نظر الرٹ جاری کردیا گیا ہے۔

مظاہروں کو دیکھتے ہوئے بانسواڑہ پولیس اور انتظامیہ بھی الرٹ ہو گئی ہے۔ ناکہ بندی میں اضافہ کرتے ہوئے پولیس مشتبہ افراد کے ساتھ ساتھ بھارتی ٹرائبل پارٹی کے کارکنان پر بھی نظر رکھے ہوئے ہے۔

اس دوران افواہوں کو روکنے کے لئے ضلع انتظامیہ نے ڈونگر پور سے ملحقہ دیہی علاقوں میں انٹرنیٹ خدمات پر پابندی عائد کردی ہے۔

وہیں بتایا جا رہا ہے کہ اتوار سے علاقوں کی مانیٹرنگ ڈرون سے کی جائے گی۔

اگرچہ ڈسٹرکٹ سپرنٹنڈنٹ آف پولیس کاویندر سنگھ ساگر ہوم قرنطین ہیں لیکن وہ اپنے گھر سے ہی افسروں کو ضروری ہدایات دے رہے ہیں۔

دوسرے اضلاع اور ریاستوں سے آنے والی گاڑیوں اور لوگوں کی کڑی نگرانی کی جارہی ہے۔ پولیس سپرنٹنڈنٹ نے شرپسندون کے خلاف سخت کارروائی کرنے کی ہدایت دی ہے۔