جے پور کے آدرش نگر اسمبلی حلقے سے رکن اسمبلی امین کاغذی کا ای ٹی وی بھارت سے خاص بات چیت کے دوران کہنا تھا کہ بہت خوشی کی بات ہے کی جےپور ہیریٹیج نگر نگم میں جو پہلا میئر ہے وہ کانگریس پارٹی کا بننے جارہا ہے۔
'خوشی کی بات ہے کہ پہلا میئر کانگریس پارٹی کا ہوگا' امین کاغذی کا کہنا ہے کے میں جے پور کی عوام کو یہ بھروسہ دلاتا ہوں کہ انہوں نے جس طرح سے ہم لوگوں پر بھروسا کیا ہے اس بھروسے پر ہم لوگ قائم رہیں گے اور کانگریس پارٹی کی جانب سے عوام کو جو امید ہے اس امید کے تحت ہی ہم لوگ خدمت کریں گے۔
امین کاغذی کا کہنا ہے کی ہمارے جتنے بھی امیدواروں نے میونسپل کارپوریشن کے انتخابات میں فتح حاصل کی ہے وہ دل سے عوام کی خدمت کریں گے جس کے نتیجے میں آنے والے دو تین ماہ میں ہم لوگوں کے درمیان نظر آئیں گے۔
مسلم برادری کی جانب سے کانگریس کے خلاف کھولے گئے مورچے کے سوال پر امین کاغذی نے یہ مانا کہ عوام میں ہم لوگوں کے لئے غصہ اور ناراضگی کی ضرور ہے، لیکن جو امیدوار کانگریس پارٹی سے فتح حاصل کر کے پہنچے ہیں وہ جب عوام کی خدمت کریں گے یہ ناراضگی بھی دور ہو جائے گی۔
امین کاغذی کا کہنا ہے کہ میں پورا بھروسہ دلاتا ہوں کے نائب میئر کے طور پر اقلیتی طبقے کے امیدوار کو ہی منتخب کانگریس پارٹی کی جانب سے کیا جائے گا۔ واضح رہے کہ امین کاغذی کے خلاف مسلم برادری کی جانب سے مسلم برادری کو نظر انداز کرنے کا الزام گذشتہ کافی روز سے لگایا جا رہا تھا۔
