جھنجھنو: ریاست راجستھان کے جھنجھنو کے سیٹھ موتی لال کالج کے سابق طلباء یونین کے صدر راکیش جھاجھڑیا کو کچھ نوجوانوں نے حملہ کر کے قتل کر دیا۔ موصولہ اطلاع کے مطابق جھاجھریا جمعہ کی رات اپنے ساتھی سنجیو کے ساتھ کیہر پورہ سے بھداونڈا خورد کی طرف آرہے تھے کہ سامنے کھڑی ایک کیمپر گاڑی نے اچانک لائٹ جلائی اور ان کی کار کو ٹکر مار دی۔ حملے کو محسوس کرتے ہوئے راکیش جھاجھڑیا نے اپنی کار پیچھے کرنے کی کوشش کی لیکن پیچھے پہلے سے کھڑی ایک اور کیمپر نے بھی پیچھے سے ان کی گاڑی کو ٹکر مار دی۔ Former SFI Student Union President Murder
دونوں طرف سے گھرے ہوئے راکیش جھاجھریا کو حملہ آوروں نے گھیر لیا اور گاڑی سے باہر نکال کر سریوں سے بری طرح پیٹا۔ سنجیو پر بھی حملہ کیا گیا اور موبائل چھین لیا گیا۔ حملہ آور راکیش کو بے ہوشی کی حالت میں چھوڑ کر فرار ہو گئے۔ شدید زخمی راکیش کو جھنجھنو کے بی ڈی کے اسپتال لایا گیا جہاں انہوں نے زخموں کی تاب نہ لاکر دم توڑ دیا۔ واقعہ کی اطلاع ملتے ہی دیہی پولیس کے ڈپٹی سپرنٹنڈنٹ روہتاشو دیوندا اور باگڈ پولیس آفیسر شراون کمار پہنچے۔ دیر رات گئے تک پولیس ملزمان کی گرفتاری کے لیے چھاپے مار رہی تھی۔
دوسری طرف ایس ایف آئی کے ضلع صدر پنکج گرجر، سابق سرپنچ سنجیو توگڈا کلاں اور سرپنچ کے نمائندے اجیت بھمبو اور دیگر طلبہ لیڈر اسپتال پہنچے۔ جنہوں نے ملزمان کی گرفتاری تک لاش نہ لینے کی بات کہی۔ دیوندا نے بتایا کہ مشتبہ افراد کی تلاش میں پولیس ٹیمیں روانہ کر دی گئی ہیں۔