حضرت خواجہ غریب نوازؒ کے شہر میں بھی انسانی بھائی چارہ کا جذبہ دیکھا جا رہا ہے، جہاں غریب نواز ویلفیئر سوسائٹی کی جانب سے ضرورت مندوں کو کھانے کی پیکٹ تقسیم کیے جا رہے ہیں۔
کورونا وائرس اور لاک ڈاؤن نے عام انسان کی کمر توڑ دی ہے ایسے میں کھانے پینے اور روزگار سب ٹھپ ہو گئے ہیں۔
اس بیماری کا خوف اور بے بسی عام انسان کو متاثر کر رہا ہے، ایسے میں انہیں دو وقت کی روزی روٹی کمانا بھی ممکن نہیں ہو پا رہا ہے۔
اجمیر شریف کی غریب نواز ویلفیئر سوسائٹی نے اس طرح کے ضرورت مندوں میں کھانے کا پیکٹ مہیا کرایا ہے۔درگاہ علاقے سے لے کر شہر بھر کے مختلف علاقوں میں اس سوسائٹی کی جانب سے کھانے کا پیکٹ تقسیم کیے گئے۔سوسائٹی کا مقصد غریب اور ضرورت مند لوگوں تک مدد پہنچانا ہے، تاکہ انہیں کورونا وبا کہ اس دور میں کسی طرح کی دشواری پیش نہ آئے۔
غور طلب ہے کہ اس سوسائٹی نے گزشتہ برس بھی ضرورت مندوں کو کھانے کے پیکٹ پہنچا کر ان کی مدد کی تھی۔