اس حادثہ کی وجہ سے مقامی لوگوں کو پینے کے پانی کے لیے تکلیف کا سامنا کرنا پڑ رہا ہے۔ دراصل جس روڈ پر یہ پہاڑ کا حصہ گرا ہے۔ وہاں پانی کی پائپ لائن بچھی ہوئی تھی, جس کے پھٹنے کی وجہ سے شہر کے کئی علاقوں میں گذشتہ 12 دنوں سے پینے کا پانی مہیا نہیں ہوپایا ہے۔
اجمیر میں بھاری بارش بنی مصیبت, مقامیوں کو نہیں مل رہا پینے کا پانی مقامی باشندوں نے محکمہ واٹر سپلائی کو اس کی اطلاع دی ہے لیکن اس کا ابھی تک کوئی حل نہیں نکالا گیا ہے۔
شہر میں بارش کی وجہ سے عام زندگی بری طرح سے متاثر ہوئی ہے۔ کئی علاقوں میں سیلاب آنے کی وجہ سے مکانات بھی منہدم ہوگئے ہیں۔
وہیں اجمیر شہر کے انا ساگر کے پانی کی سطح بھی بڑھ گئی ہے جس کا پانی اب شہر کی کالونی میں بھی داخل ہورہا ہے۔
