حضرت خواجہ معین الدین چشتی کا دربار تمام مذاہب کے عقیدت مندوں کے لیے رحمتوں اور برکتوں کا مرکز ہے یہی وجہ ہےہر خاص و عام سے لے کر سیاستدان اور فلم اداکار بھی درگاہ میں حاضری دے کر اپنی مرادیں مانگتے ہیں۔
اسی طرح اجمیر میں خواجہ غریب نواز کے دربار پر راجستھانی فلم مہارو گووند کی ٹیم نے بھی حاضری دے کر اپنی فلم کی کامیابی کی دعا مانگی ہے۔
فلم کے ہدایت کار اور اداکار منظور علی قریشی کہ مطابق یہ فلم بھارت کی تہذیب و ثقافت پر بنائی گئی ہے۔
منطور علی قریشی سنہ 1989 سے فلمی دنیا سے وابستہ ہیں انھوں نے تقریباً30 فلموں میں اداکاری کی ہے۔ اور بطور ڈائریکٹر یہ ان کی چوتھی فلم ہے۔ اس کے علاوہ بھی وہ بھوجپعری فلموں پر کام کررہے ہیں۔
واضح رہے کہ منظور علی قریشی ٹی وی سیریل اکبر دی گریٹ, ٹیپو سلطان, مہارانہ پرتاب, دا گریٹ مراٹھا میں کام کیا ہے اور انھوں نے ساتھ ہی بالی ووڈ فلم جودھا اکبر, آجا میرے محبوب, جیک پاٹ, امتحان جیسی کئی فلموں میں اپنی اداکاری کے جلوے بکھیرے ہیں۔
بھوجپوری, گجراتی اور راجستھانی فلموں میں بہترین اداکاری کا مطاہرہ کرنے والے قریشی کی یہ فلم راجستھان بھر میں اگلے ماہ ریلیز ہوگی اور اس تعلق سے درگاہ میں فلم کے پوسٹر کا اجراء بھی کیا گیا۔
اجمیر درگاہ پر اپنے مرادیں لے کر آنے والی اس فلم یونٹ کو درگاہ کے خادم سید منور پہلوان نے زیارت کرائی اور دستار بندی کر تبرک پیش کیا۔