یونین کے صدر موہن چیلانی کی قیادت میں ریلوے کے لوگ اور کیرج کارخانوں کی بڑی تعداد میں ملازمین نے کارخانے کے باہر گیٹ پر اکٹھے ہوئے اور حکومت مخالف نعرے لگاتے ہوئے بھارتی ریلوے کو نجی ہاتھوں میں سونپے جانے کی پہل کی زبردست مخالفت کی۔
چیلانی نے بتایا کہ 'یہ مظاہرہ انڈین ریلوے کے وجود کا سوال ہے کیونکہ مرکزی حکومت نے انڈین ریلوے کو نجی ہاتھوں میں سونپنے کی طرف قدم بڑھادیا ہے۔'
انہوں نے کہا کہ جس ریل کو ریلوے کے ملازمین نے اپنی صلاحیتوں کی بنیاد پر اونچائی تک پہنچایا اسے نجی ہاتھوں میں جانے سے روکنے کے لیے اب قومی سطح پر تحریک چلائی جائے گی۔
آل انڈیا ریلوے مینس فیڈریشن کی ہدایت پر مظاہرہ، ہڑتال، دھرنا وغیرہ اور اگر ضرورت پڑی تو ریلوے کے چکا جام جیسے فیصلے بھی لیے جائیں گے۔
واضح رہے کہ انڈین ریلوے کی جانب سے آج لکھنؤ۔نئی دہلی کےدرمیان تیجس ایکسپریس کا افتتاح کیا گیا۔ آئی آر سی ٹی سی ایک نجی ادارہ ہے جس نے مذکورہ ٹرین چلانے کی ذمہ داری لی ہے۔ اترپردیش کے وزیراعلی یوگی آدتیہ ناتھ نے تیجس ٹرین کو لکھنؤ سے ہری جھنڈی دکھا کر نئی دہلی کے لیے روانہ کیا۔
