اجمیر: کورونا سے متعلق بیداری کے لئے ریلی

اجمیر میں پولیس اور مقامی ذمہ داران کی جانب سے کورونا وائرس سے متعلق عوامی بیداری کے لئے ایک ریلی نکالی گئی جو دہلی گیٹ سے شروع ہو کر درگاہ شریف کے نظام گیٹ پر اختتام پذیر ہوئی۔

ریاست راجستھان کے ضلع اجمیر میں پولیس اور مقامی ذمہ داران کی جانب سے کورونا وائرس سے متعلق عوامی بیداری کے لئے ایک ریلی نکالی گئی جو دہلی گیٹ سے شروع ہو کر درگاہ شریف کے نظام گیٹ پر اختتام پذیر ہوئی ۔

اس دوران علاقہ گنج پولیس اسٹیشن اور درگاہ تھانہ کے پولیس اہلکاروں نے پوسٹرز، بینرز اپنے ہاتھوں میں لے کر عوام کو گھروں میں رہنے کا پیغام دیا۔وہیں مقامی ذمہ داران نے بھی اپنے علاقے میں کورونا سے محفوظ رہنے کی عوام سے گزارش کی۔