اشوک گہلوت ایک ماہ کے لیے کسی سے نہیں ملیں گے

ریاست راجستھان کے وزیر اعلی اشوک گہلوت نے کورونا وائرس کے خطرات کے پیش نظر آئندہ ایک ماہ تک کی تمام ملاقاتوں کو ملتوی کرنے کا فیصلہ کیا ہے۔

وزیراعلیٰ اشوک گہلوت اگرچہ ایک ماہ تک کسی سے براہ راست ملاقات نہیں کریں گے تاہم اس دوران وہ سارا کام ویڈیو کانفرنسنگ کے ذریعہ کریں گے۔

گہلوت نے ڈاکٹرز کی ہدایت کے بعد یہ فیصلہ کیا ہے۔

اسی اثنا میں کورونا وائرس کی تحقیقات کرنے والے محکمہ صحت کی ٹیم نے وزیراعلیٰ کے دفتر اور رہائش گاہ سے نمونے بھی حاصل کئے ہیں۔

وزیراعلیٰ اشوک گہلوت نے کہا کہ وبائی بیماری کا انفیکشن سبھی لوگوں کی حصہ داری سے ممکن ہے۔

اس کے لئے ریاستی حکومت طبی سہولیات کو بڑھانے کے لئے مستقل کوششیں کررہی ہے۔

انہوں نے تمام لوگوں سے اپیل کی کہ وہ ماسک لگائیں ، معاشرتی دوری برقرار رکھیں اور ہجوم سے بچیں ۔

ریاست میں کورونا انفیکشن کے کیسز میں مسلسل اضافہ ہورہا ہے ۔

جے پور میں 325 نئے کیس رپورٹ ہوئے، اب یہاں کورونا وائرس سے متاثرہ کی تعداد 1590 ہوگئی ہے۔

اس سے قبل وزیراعلیٰ کی رہائش گاہ اور دفتر میں 30 سے ​​زائد کورونا وائرس سے متاثرہ افراد پائے گئے ہیں۔