وزیراعلیٰ اشوک گہلوت کی وزیراعظم سے اپیل

ریاست راجستھان کے وزیر اعلیٰ اشوک گہلوت نے وزیر اعظم نریندر مودی سے موجودہ صورتحال کے مد نظر کووِڈ۔19 وبا سے متعلق وزرائے اعلیٰ سے جلد تبادلہ خیال کرنے کی گذارش کی ہے۔

مسٹر گہلوت نے آج یہاں جاری بیان میں کہا کہ کووِڈ۔19 وبا سے ملک کی لڑائی فیصلہ کن دور میں پہنچ چکی ہے۔

تمام ریاستوں نے اپنی مکمل قوت و وسائل سے کووِڈ-19 وبا کے پھیلاؤ کو روکنے کی کوشش کی ہے۔

ساتھ ہی اس وبا سے پیدا شدہ معاشی کساد بازاری میں اپنا روزگار، ذرائع آمدنی کھو چکے عوام کی مالی امداد بھی کی ہے۔
انہوں نے کہا کہ ایسے مشکل اور چیلنج بھرے وقت میں گذشتہ کچھ مہینوں میں ریاستوں کے وزرائے اعلیٰ کے ساتھ ویڈیو کانفرنسنگ کے ذریعے معنیٰ خیز مذاکرہ کیا گیا جو قابل تعریف تھی۔

ایسے مذاکروں سے باہم معلومات بانٹنے، مختلف ریاستوں میں اختیار کی جانے والی بہتر پالیسی کی معلومات اور باہمی رابطہ کاری قائم کرنے میں مدد ملتی ہے۔