بے قابو کار کی ٹکر سے دو بھائیوں کی موت

راجستھا ن کے دارالحکومت جے پور کے گاندھی نگر علاقہ میں جے ڈی اے چوراہے پر بے قابو کار کے کچل دینے سے موٹر سائیکل پر سوار دو بھائیوں کی موت ہوگئی جب کہ چار افراد زخمی ہوگئے۔

پولیس کے مطابق علاقہ کے جے ایل این روڈ پر بڑلا مندر کے سامنے جے ڈی اے چوراہے پر لال بتی کے دوران کھڑی گاڑیوں کے پیچھے سے آئی بے قابو کار نے ٹکر مار دی۔

جس میں موٹر سائیکل پر سوار دو بھائی پنیت پراشر اور وویک پراشر اچھل کر دور گر گئے جنہیں علاج کے لیے فوری طورپر ہسپتال لے جایا گیا جہاں دونوں کی موت ہوگئی۔

واقعہ کے دوران کار کی ٹکر سے دیگر گاڑیوں کو بھی نقصان پہنچا اور چار پانچ افراد زخمی ہوگئے جنہیں ہسپتال میں داخل کرایا گیا ہے۔

پولیس نے کار ڈرائیور کے خلاف مقدمہ درج کرکے تفتیش شروع کردی ہے۔