راجستھان میں چار ماہ بعد بس خدمات شروع

ریاست راجستھان کے دارالحکومت جے پور میں 200 میں سے 100 لو فلور اور 1040 سٹی بسز سڑکوں پر دوڑتی ہوئی نظر آرہی ہیں۔ وہیں لو فلور بسوں میں کرائے میں اضافہ بھی کر دیا گیا ہے۔ لو فلور بسوں میں نان اے سی بسز میں کرایہ 7 روپے کی جگہ 10 روپے اور اے سی بسز میں 10 روپے کی جگہ اب 20 روپے کر دیا گیا ہے۔

راجستھان میں لاک ڈاؤن کی وجہ سے چار ماہ سے بند پبلک ٹرانسپورٹ جمعرات سے پھر پٹری پر لوٹنا شروع ہو گئی ہے۔ جو سڑکیں گزشتہ چار ماہ سے بے رونق نظر آرہی تھیں وہ سڑکوں پر لو فلور اور سٹی بسز دوڑنے کے بعد با رونق نظر آ رہی ہیں۔

دارالحکومت جے پور سمیت ریاست بھر میں سٹی بسز کو چلانے کے لئے حکومت کی جانب سے اجازت دے دی گئی ہے، گزشتہ روز بدھ کو جاری حکم کے مطابق سفر کرنے سے پہلے اور بعد میں بسز کو سینیٹائز کرنا ضروری ہوگا۔

راجستھان میں چار ماہ بعد بس خدمات شروع

وہیں حکم کے مطابق سماجی دوری کی جانب خاص توجہ دینی ہوگی اور مسافر، کنڈکٹر اور ڈرائیور کے لیے ماسک بھی ضروری ہوگا۔ حکم کے مطابق اگر کوئی یہ نہیں کرتا ہے تو اس کے خلاف کارروائی کو عمل میں لایا جائے گا۔

ڈیزل کی قیمتوں میں اضافہ ہونے اور کورونا وبا کی وجہ سے کم مسافروں کے مدنظر لوفلور کے کرائے میں اضافہ ضرور کیا گیا ہے، ان بسوں میں سفر کرنے والے مسافروں نے کورونا کو لے کر جو گائیڈ لائن جاری کی ہے اس کا مکمل طور پر خیال بھی رکھ رہے ہیں۔