بھارت بند کے اعلان کے بعد ریاست راجستھان کے دارالحکومت جے پور میں کسانوں کو اپنی حمایت دینے والی سماجی تنظیمیوں کے ذمہ داران اور عوام نے سڑکوں پر اترکر مرکزی حکومت کے خلاف احتجاجی مظاہرہ کیا۔
جے پور میں زرعی قوانین کی مخالفت میں ریلی نکالی گئی کسانوں کی حمایت میں اور زرعی قوانین کی مخالفت میں یہ ریلی جے پور کے گورنمنٹ ہسپتال چوراہے پر واقع شہید اسمارک سے روانہ ہوئی اور مرزا اسماعیل روڑ، اجمیری گیٹ، سانگا نیری گیٹ، بڑی چوپڑ، چاند پول، سندھی کیمپ، کھاسا کوٹھی ہوتی ہوئی جے پور کلیکٹریٹ پہنچی۔
جے پور میں زرعی قوانین کی مخالفت میں ریلی نکالی گئی دراصل مرکزی حکومت کی جانب سے لائے گئے کسان زرعی قوانین کی مخالفت میں آج کسانوں کی جانب سے بھارت بند کا اعلان کیا گیا تھا۔
یہ بھی پڑھیں:Bharat Bandh: جموں میں بھی بھارت بند کے دوران احتجاج
بھارت بند کو لے کر آج راجستھان کی کانگریس حکومت کی جانب سے بھی حمایت دی گئی تھی، اس لئے اس ریلی میں راجستھان کانگریس پارٹی کے صدر گووند سنگھ ڈوٹاسرا اور رکن اسیمبلی کرشنا پونیا سمیت دیگر لوگ شامل ہوئے۔ حالانکہ کسانوں کی جانب سے کئے گئے بھارت بند کا اثر جے پور میں کم ہی نظر آیا، یہاں روزانہ کی طرح بازار کھلے رہے۔
