'سورج غروب ہوتے ہی بجلی سپلائی بند کروا دی جاتی ہے'

دہلی کے شاہین باغ کی طرز پر جے پور میں بھی ایک احتجاجی مظاہرہ جاری ہے، مظاہرین کا الزام ہے کہ انتظامیہ ان کا تعاون نہیں کر رہی۔

ریاست راجستھان کے دارالحکومت جے پور کے شہید اسمارک پر 31 جنوری کو شہریت ترمیمی قانون، این آرسی اور اور این پی آر کی مخالفت میں احتجاج شروع ہوا تھا۔

یہ غیرمعینہ احتجاج شاہین باغ کی طرز پر تھا، اس لیے اس احتجاج کا نام بھی شاہین باغ کے نام سے رکھا گیا تھا، جسے دوسرے دن ہی انتظامیہ کی طرف سے ہٹا دیا گیا۔

جے پور میں شروع ہوئے اس مظاہرے میں مظاہرین کی تعداد اتنی زیادہ جمع ہو جاتی ہے کہ جگہ کم پڑ رہی ہے، وہیں دھرنے میں شامل لوگوں کا کہنا ہے کہ انتظامیہ ان کا تعاون نہیں کر رہا ہے۔

لوگوں نے کیمرے کے پیچھے رہ کر بتایا کہ انتظامیہ کی جانب سے رات ہوتے ہی مائیک بند کروا دیا جاتا ہے اور بجلی بھی بند کر دی جاتی ہے۔

دھرنے میں موجود رکن اسمبلی رفیق خان نے کہا 'وہ مظاہرے میں دھرنے میں پہنچے تو دھرنے کہ ذمہ داران کی جانب سے انہیں بتایا گیا کہ پولیس جس طرح کا برتاؤ کر رہی ہے وہ صحیح نہیں ہے'۔

دھرنے کے ذمہ داران کے مطابق دھرنے کی جگہ کی تبدیلی کو لے کر کسی طرح کی میٹنگ نہیں ہو رہی ہے، ذمہ داران نے انتظامیہ سے یہ مطالبہ کیا ہے کہ 11 فروری تک انہیں یہاں سے نہ ہٹایا جائے'۔