راجستھان کے فنکار معاشی بحران کا شکار

راجستھان کے فنکار معاشی بحران کا شکار ہیں اس کے پیش نظر عالمی شہرت یافتہ فنکار رہیس بھارتی نے سات سمندر پار سے ان تمام فنکاروں کی مدد کے لیے ضرورت کا سامان بھارت بھیجا ہے۔

جےپور: عالمی وبا کورونا کی وجہ سے ملک میں لاک ڈاؤن نافذ کیا گیا، جس کی وجہ سے لوگوں کے آمدنی کے تمام وسائل بند ہیں۔ لیکن ملک میں ایک طبقہ ایسا بھی ہے جو اپنے فن کے ذریعہ زندگی گزارتا ہے، لیکن ملک میں نافذ لاک ڈاؤن کے سبب انہیں کئی طرح کے دشواریوں کا سامنا کرنا پڑرہا ہے۔اطلاعات کے مطابق راجستھان میں کئی ایسے فنکار ہیں جو اپنے فن کے ذریعے زندگی کی ضروریات پورا کرتے تھے لیکن آج کورونا کی وجہ سے ملک میں نافذ لاک ڈاؤن کے سبب وہ معاشی بحران کا شکار ہے۔

راجستھان کے فنکار معاشی بہران کے شکار

اس کے پیش نظر عالمی شہرت یافتہ فنکار رہیس بھارتی نے سات سمندر پار سے ان تمام فنکاروں کی مدد کے لیے ضرورت کا سامان بھارت بھیجا ہے جو راجستھان کے فنکاروں میں تقسیم کیا جائے گا۔

اس تعلق سے رہیس بھارتی نے بتایا کہ کورونا وبا کی وجہ سے فنکار متاثر ہیں اس لئے میں نے انسانیت کا فرض ادا کرتے ہوئے راجستھان کے 300 فنکاروں کی خاندانوں کے لیے راحت کا سامان بھارت روانہ کیا ہے۔

انہوں نے کہا کہ ہماری ٹیم فرانس کے کئی شہروں میں اپنا پروگرام کر رہی ہے، یہاں پر لاک ڈاؤن ختم ہوچکا ہے اور جلد ہی بھارت میں بھی لاک ڈاؤن ختم ہو جائے گا، ہم تمام لوگوں سے اپیل کرتے ہیں کہ جو بھی گائیڈ لائن حکومت کی جانب سے جاری کئے گئے ہیں اس گائیڈ لائن کا مکمل طور پر خیال رکھے اور کورونا کو شکست دیں۔