فوج کی دوروزہ جنگی مشق سے ریگستان تھرایا

راجستھان کے سرحدی جیسلمیر ضلع میں فوج کی سدرشن چکر واہنی اور فضائیہ کی مشترکہ جنگی مشق سے ریگستان تھرا اٹھا اور اس دوران دشمن کے مصنوعی ٹھکانوں کو بغیر چوکے بمباری سے تباہ کردیاگیا۔

پوکران فیلڈ فائرنگ رینج میں اتوار کو شروع ہوئی دو روزہ جنگی مشق میں بری فوج اور فضائیہ اپنی مارہ کرنے والی صلاحیت کا مظاہرہ کررہی ہے۔
پیر کو جنگی مشق کے دوران پوکران فیلڈ فائرنگ رینج دھماکوں سے گونج اٹھی اور فوجیوں نے دشمن کے مصنوعی ٹھکانوں کو ہدف بناکر بغیر چوکے بمباری کرکے انہیں تباہ کردیا۔اس دوران کے ۔
نائن تھنڈر گن سے بغیر چوکے نشانہ لگایااور حملہ آور ہیلی کاپٹر اور فضائیہ کے طیاروں نے زبردست بمباری کرتے ہوئے ان ٹھکانوں کو تباہ کردیا۔دھماکوں کی وجہ سے پوری رینج میں ریت کا غبار چھاگیا۔ راکیٹ لانچر سے دشمن کے ٹھکانوں اور دہشت گردانہ ٹھکانوں وغیرہ کو تباہ کرنے کی مشق کی گئی ہے۔
بری اور فضائیہ کی مار کرنے کی صلاحیت کو مضبوط اور بہتر بنانے کےلئے فوج کی جنوبی کمان کے ہزاروں فوجی مشق کررہے ہیں۔فضائیہ کے ذریعہ کم وقت میں کیسے دشمن کو ختم کیا جائے ،اس پر بری فوج کو ساتھ لےکر جیت حاصل کرنے کا مظاہرہ کیا جارہا ہے۔اس میں فوج کے آرمڈ ،میکینائزڈ اور انفینٹری بریگیڈ کی یونٹس شامل ہیں۔خصوصاً جنوبی کمان کی سدرشن چکر کراپس نے اس میں اہم رول ادا کیا۔
جائےو قوع پر فوج کے کئی اعلی افسران بھی موجود تھے۔