الور: تارکین وطن مزدوروں کی مدد کے لئے پورٹل لانچ

رجسٹریشن کے دوران تارکین وطن مزدوروں کو اپنی مکمل معلومات درج کرانی ہوگی۔ ایسی صورتحال میں انتظامیہ کے پاس تارکین وطن مزدوروں کا ڈیٹا موجود ہوگا، انتظامیہ کو ان کی مدد کرنے میں آسانی ہوگی۔

ریاست راجستھان کے الور میں تاکین وطن مزدوروں کی مدد کے لئے منگل کو ضلع انتظامیہ کی جانب سے ایک پورٹل لانچ کیا گیا ہے۔ مزدور اس پورٹل میں اپنا اندراج کرواسکتے ہیں۔

رجسٹریشن کے دوران تارکین وطن مزدوروں کو اپنی مکمل معلومات درج کرانی ہوگی۔ ایسی صورتحال میں انتظامیہ کے پاس تارکین وطن مزدوروں کا ڈیٹا موجود ہوگا، تاکہ انتظامیہ کو ان کی مدد کرنے میں کم وقت لگے۔

اس معاملے پر کلکٹر اندریجیت سنگھ نے کہا کہ 'رجسٹریشن کا مطلب یہ نہیں ہے کہ انتظامیہ انہیں گھر پہنچانے کے لئے بسیں فراہم کرے گی۔ یہ رجسٹریشن تارکین وطن مزدوروں کے بارے میں معلومات اکٹھا کرنے کے لئے شروع کی گئی ہے۔ معلومات اکھٹا کرنے کے بعد ہم ان کا ڈیٹا متعلقہ حکومتوں کو بھیجا جائےگا اور ان کی ہر ممکن مدد کی جائے گی۔'

انہوں نے بتایا کہ 'اس کے بعد حکومتوں سے موصولہ احکامات کے تحت کارروائی کی جائے گی۔ اس پورٹل میں اندراج کے لئے آن لائن رجسٹریشن کے علاوہ ہیلپ لائن نمبر 627 180 1800 پر کال کرکے رجسٹریشن کرا سکتے ہیں۔'

واضح رہے کہ 'لاک ڈاؤن کے ابتدائی مرحلے میں تارکین وطن مزدوروں کو کافی پریشانیوں کا سامنا کرنا پڑا تھا۔ لیکن ای ٹی وی بھارت نے تارکین وطن مزدوروں کی پریشانی کا مسئلہ اٹھایا تھا۔ جس کے بعد انتظامیہ حرکت میں آگئی اور خود کلیکٹر اندریجیت سنگھ نے تارکین وطن مزدوروں سے گفتگو کرتے ہوئے انہیں راشن دیا تھا۔'

اس کے بعد ضلع انتظامیہ کی جانب سے تارکین وطن مزدوروں کو ہر ممکن مدد فراہم کرنے کی کوشش کی جارہی ہے۔