اجمیر درگاہ 20 اگست سے صرف خادموں کے لیے کھلے گی

بھارت کی مشہور و معروف اجمیر درگاہ عام زائرین کے لیے یکم ستمبر سے کھلے گی، جبکہ خادموں کے لیے خصوصی طور پر 20 اگست سے کھلنے جارہی ہے۔

اجمیر درگاہ پر عام زائرین کو زیارت کے لئے ایک ستمبر تک انتظار کرنا ہوگا۔ درگاہ کمیٹی اور ضلع انتظامیہ کے درمیان محرم کی رسم کو دیکھتے ہوئے یہ فیصلہ لیا گیا ہے۔

خادموں کی انجمن نے درگاہ کمیٹی اور ضلع انتظامیہ کو یقینی طور پر واضح کیا ہے کہ وہ کورونا گائیڈ لائن کے تحت محرم کی رسم ادا کریں گے، اور سماجی فاصلے سمیت تمام ضروری پابندی پر عمل کریں گے۔

غور طلب ہے کہ کورونا گائیڈ لائن کے تحت 23 مارچ سے اجمیر درگاہ تمام عقیدت مندوں کے لئے بند ہے جسے آئندہ یکم ستمبر سے کھولا جائے گا۔