ناگور معاملہ: سات ملزمین گرفتار

راجستھان کے ناگور میں دو دلت نوجوانوں کے ساتھ غیرانسانی سلوک کیے جانے کے واقعہ پر وزیر اعلی اشوک گہلوت نے کہا کہ '7 ملزمین کو گرفتار کیا گیا ہے۔'

راجستھان کے وزیر اعلی اشوک گہلوت نے ٹویٹ کیا کہ 'ناگور کے خوفناک واقعہ کے بعد فوراً کارروائی کی گئی اور سات ملزمین کو گرفتار کیا گیا ہے۔ کسی کو بھی بخشا نہیں جائے گا، مجرموں کو قانون کے مطابق سزا دی جائے گی، ہم یقینی طور پر چاہیں گے کہ متاثرین کو انصاف ملے۔'

اشوک گہلوت ٹوئٹ

خیال رہے کہ ضلع ناگور کے پانچوڑی علاقہ کے کرنو گاؤں میں بدمعاشوں نے ایک دلت نوجوان کے ساتھ گزشتہ اتوار کو ظالمانہ سلوک کیا تھا جس کا ویڈیو وائرل ہوا ہے۔ اس میں بتایا گیا کہ نوجوان کے ساتھ پہلے بے رحمی سے مارپیٹ کی گئی اور پھر اس کے پرائیوٹ پارٹ میں پیٹرول ڈالا گیا۔ اسے پانی پلا پلا کر مارا گیا۔ اس دوران وہاں موجودہ نوجوان کے چاچا زاد بھائی کی بھی جم کر پٹائی کی گئی۔