الور میں جراثیم کش دوا پینے سے طالبہ کی موت

ریاست راجستھان کے الور میں بھول سے کھانسی کی دوا کی جگہ جراثیم کش دوا پی جانے سے دسویں کلاس کی ایک طالبہ کی موت ہوگئی۔

اس معاملے کی تحقیقات کررہے اسسٹنٹ ڈپٹی انسپکٹر اسرائیل احمد نے بتایا کہ علاقہ کے کارولی گاوں میں رہنے والے سومی جانگڑ (14) نے سنیچر کو کھانسی کی دوا سمجھ کر جراثیم کش دوا پی لی۔

دوا پینے کے بعد وہ بے ہوش ہوگئی جسے دیکھتے ہی ں گھر والوں نے اسے اسپتال میں داخل کرایا لیکن علاج کے دوران ہی اس نے دم توڑ دیا۔

لڑکی کے گھروالوں کا کہنا ہے کہ لڑکی کو سانس کی تکلیف تھی اور اس کا علاج چل رہا تھا اس نے بھول سے پیاز میں ڈالنے والی جراثیم کش دوا پی لی، پولیس معاملہ کی جانچ کررہی ہے۔