کورونا سے چھ مہینہ کی معصوم بچی کی موت

ریاست پنجاب میں پھگواڑہ کی ایک چھ مہینہ کی بچی کی کورونا وائرس سے پی جی آئی میں موت ہو گئی ہے۔

بچی کو کچھ دن پہلے ہی پی جی آئی میں داخل کرایا گیا تھا۔ بچی کے دل میں سوراخ ہونے کی وجہ سے اس کی حال ہی میں اوپن ہارٹ سرجری ہوی تھی۔ اس کا ایڈوانس پیڈیاٹرک سینٹر میں علاج چل رہا تھا۔ گزشتہ دو دنوں سے اسے انفیکشن کی شکایت ہو رہی تھی۔ اس کا کورونا ٹیسٹ کرایا گیا تو رپورٹ پازیٹیو آئی جس سے ہلچل مچ گئی۔

بچی کے رابطہ میں آئے 18 ڈاکٹروں سمیت 50 سے 55 اسٹاف کو کوارنٹین کر دیا گیا۔ اس سے آس پاس کے بلاک میں بھی دہشت پھیل گئی۔ بچی کا علاج کرنے والی ڈاکٹروں کی ٹیم کے نمونے لیے گئے ہیں۔