سُکھ جِندر سنگھ نے کہا کہ ابھی کچھ کہا نہیں جاسکتا جب تک تصویر صاف نہیں ہوتی تب تک کچھ کہنا قبل از وقت ہوگا۔ رندھاوا نے کہا کہ ہمارا کام پنجاب کو ترقی دلانا ہے۔
انہوں نے کہا کہ میں کیپٹن کا دوسرا روپ ہوں اور آج بھی ان کا احترام کرتا ہوں میرے دل میں ان کے لیے عزت ہے۔
واضح رہے کہ امریندر سنگھ کے استعفیٰ کے بعد سے نئے وزیراعلیٰ کے طور پر کئی نام زیر بحث ہیں لیکن جب تک کانگریس لیجسلیچر پارٹی کی میٹنگ نہیں ہوتی تب تک وزیراعلیٰ کے نام پر تذبذب برقرار رہے گا۔
اس دوران راجیہ سبھا رکن امبیکا سونی کو وزیراعلی بننے کا آفر دیا گیا تھا لیکن انہوں نے انکار کردیا ہے۔ جب کہ ذرائع کے مطابق سابق کانگریس صدر اور امریندر سنگھ کے قریبی سنیل جاکھڑ وزیراعلیٰ کی دوڑ میں آگے چل رہے ہیں۔ اس کے علاوہ نوجوت سنگھ سدھو، پرتاپ باجوہ اور سُکھ جِندر سنگھ رندھاوا کا نام بھی شامل ہے۔