Love You Punjab, Aap ne Kamal Kar Diya, Kejriwal: لو یو پنجاب، آپ نے کمال کردیا، کیجریوال

لو یو پنجاب، آپ نے کمال کردیا۔ پوری دنیا میں ایسا انقلاب صرف پنجابی ہی کر سکتے ہیں۔ آج پوری دنیا میں پنجاب کے انقلاب کا چرچا ہو رہا ہے۔ دنیا جانتی تھی کہ پنجاب کے لوگ انقلابی ہوتے ہیں، اس الیکشن میں آپ نے اسے پھر سے ثابت کر دیا۔ Love You Punjab, Aap ne Kamal Kar Diya, Kejriwal

پنجاب اسمبلی انتخابات میں زبردست جیت کے لیے عام آدمی پارٹی (اے اے پی) کے قومی کنوینر اروند کیجریوال نے آج ریاست کے عوام کا شکریہ ادا کرتے ہوئے کہا، ’’لو یو پنجاب، آپ نے کمال کردیا۔ Love You Punjab, Aap ne Kamal Kar Diya, Kejriwal

مسٹر کیجریوال نے یہاں ریاست کے نامزد وزیر اعلیٰ بھگونت مان کے ساتھ پارٹی کی جیت کا جشن منانے کے لئے امرتسر میں ’روڈ شو‘ کیا۔

اس دوران، مسٹر کیجریوال نے اپنے خطاب میں کہا، "لو یو پنجاب، آپ نے کمال کردیا۔ پوری دنیا میں ایسا انقلاب صرف پنجابی ہی کر سکتے ہیں۔ آج پوری دنیا میں پنجاب کے انقلاب کا چرچا ہو رہا ہے۔ دنیا جانتی تھی کہ پنجاب کے لوگ انقلابی ہوتے ہیں، اس الیکشن میں آپ نے اسے پھر سے ثابت کر دیا۔ سارے بڑے لیڈر جو خود کو قدآور نہ ہارنے والا سمجھتے تھے، آپ نے سب کی انانیت توڑ دی۔

مسٹر کیجریوال نے کہا کہ پنجاب کو کئی دہائیوں کے بعد ایک ایماندار وزیر اعلیٰ ملا ہے اور دعویٰ کیا کہ پنجاب کی حکومت ایک ایماندار حکومت ہوگی۔ اگر ان کا کوئی ایم ایل اے یا وزیر غلط کام کرے گا یا طاقت کا غلط استعمال کرے گا تو اس کے خلاف فوری کارروائی کی جائے گی۔

اس موقع پر مسٹر مان نے کہا کہ ان کی حکومت عام لوگوں کے مسائل حل کرے گی اور ان کے تحفظ کو یقینی بنائے گی۔

مسٹر مان نے کہا، "آئین بنانے والے بابا صاحب بھیم راؤ امبیڈکر اور شہید بھگت سنگھ کا خواب پورا کرنا ہے۔ شہید بھگت سنگھ کی سوچ کو بچائے رکھنا ہے اور اسے آگے بڑھانا ہے۔ ملک کے لیے اپنی جانوں کا نذرانہ پیش کرنے والے ہمارے عظیم آزادی پسندوں کو خراج عقیدت پیش کرنے کے لئے اور ان کے انقلاب کو لوگوں تک پہنچانے کے لیے ہی ہم وزیر اعلیٰ کی حلف برداری کی تقریب کو راج بھون سے نکال کر شہیدوں کی سرزمین کھٹکڑ کلاں لے جارہے ہیں۔

یو این آئی