پنجاب کے وزیراعلیٰ پر دوہرا معیاراختیار کرنے کا الزام

پنجاب اسمبلی میں حریف رہنما ہر پال سنگھ چیما نے ریاستی حکومت کی جانب سے مختلف محکموں سے مونٹیک سنگھ اہلوالیا کمیٹی کی سفارشات نافذ کرنے کے سلسلے میں مانگی گئی فہرست کا نوٹس لیتے ہوئے وزیراعلیٰ پر دوہرا معیار اختیار کرنے کا الزام عائد کیا ہے۔

ہرپال سنگھ چیما نے کہا کہ وزیراعلیٰ کیپٹن امریندر سنگھ پنجاب اور پنجاب کے لوگوں کے ساتھ ڈبل گیم کھیل رہے ہیں۔ ایک طرف اسمبلی میں مرکز کی زراعت مخالف آرڈیننسز کو رد کرتے ہیں دوسری طرف اہلووالیا کمیٹی کی عوام مخالف، ملازم مخالف اور کسان مخالف سفارشات کو خاموشی سے نافذ کرنے کا عمل شروع کردیا ہے۔

اہلووالیا کو مودی حکومت اور عالمی معیار کی کارپوریٹ کمپنیوں کا ایجنٹ قرار دیتے ہوئے انہوں نے کہا کہ' مونٹیک سنگھ اہلوالیہ کا ماڈل صرف نجی کمپنیوں کے مفادات کو پورا کرتا ہے اور عام لوگ خصوصا کسانوں اور حکومتی شعبے (سرکاری اداروں اور ملازمین) کے خلاف ہے۔