پنجاب میں کوروناوائرس کے 21 نئے کیسیز

کوروناوائرس کے کیسیز میں مسلسل اضافہ ہوتا جارہا ہے، اسی ضمن میں اب پنجاب میں آج بھی 21 نئے کورونا مثبت واقعات رپورٹ ہوئے ہیں۔

ریاست پنجاب میں آج کوروناوائرس سے انفیکشن کے 21 نئے معاملے کی تصدیق ہوئی ہے، جبکہ 15 مریض صحتیاب ہوکر اپنے گھروں کو واپس جاچکے ہیں۔

پنجاب حکومت کی جانب سے شام کو جاری بلیٹن کے مطابق نئے سامنے آئے کوروناوائرس پازیٹیو معاملوں میں امرتسر سے 10،جالندھر سے چھ اور ترنتارن،کپور تھلہ، موہالی، پٹیالہ اور سنگرور سے ایک ایک مریض شامل ہیں۔

صحت یاب ہوئے مریضوں میں فریدکوٹ سے 10، جالندھر سے تین، گرداس پور و شہید بھگت سنگھ نگر سے ایک ایک مریض شامل ہیں۔

ریاست بھر میں مہلک وبا کوروناوائرس کے پھیلنے سے اب تک کل 2081 لوگ اس وائرس سے متاثر پائے گئے ہیں، ان میں 40 کی موت ہوچکی ہے اور 1913 مریض اب تک شفایاب ہوچکے ہیں، تاحال ریاست میں 128 فعال معاملے ہیں۔