ظلم و تشدد کے خلاف آواز بلند کریں: یوسف تاریگامی

وادی کشمیر میں تشدد کی وارداتوں پر انتظامیہ کی خاموشی کو مجرمانہ قرار دیتے ہوئے سی پی آئی ایم رہنما محمد یوسف تاریگامی نے کہا کہ ہم ظلم و جبر کے خلاف آواز اٹھاتے رہیں گے کیونکہ آواز اٹھانا ہمارا حق ہے۔

یوسف تاریگامی ہاری پاریگام ترال میں ہلاک ایس پی او کے گھر تعزیت کے بعد میڈیا سے خطاب کر رہے تھے۔

انہوں نے بتایا کہ ایس پی او اور اس کے دو افراد کی ہلاکت نے نہ صرف انہیں بلکہ ہر کسی کو تکلیف ہوئی ہے۔

یوسف تاریگامی نے انتظامیہ سے سوال کیا کہ آخر ہلاکتوں کا یہ سلسلہ کب ختم ہوگا۔ ڈر و خوف کا یہ سلسلہ اس مٹی کو کل بھی منظور نہیں تھا اور آج بھی نہیں ہے۔

انہوں نے لوگوں سے اپیل کی کہ وہ ظلم و تشدد کے خلاف آواز بلند کریں۔