جنوبی کشمیر کے ترال علاقے میں واقع کارمولہ جنگلات میں آج سہ پہر آگ لگنے سے سبز سونے کو بڑے پیمانے پر نقصان پہنچنے کی اطلاعات ہیں۔
تفصیلات کے مطابق کارمولہ کے جنگلات میں یہ آگ آج دوپہر کے بعد نمودار ہوئی اور دیکھتے ہی دیکھتے اس نے ایک وسیع علاقے کو اپنی تحویل میں لے لیا۔
مقامی لوگوں نے آگ لگتے ہی محکمہ جنگلات کے ملازمین کو مطلع کیا۔ جس کے بعد ایک ٹیم کو علاقے کی طرف روانہ کیا گیا ہے اور آگ پر جزوی طور قابو پایا گیا ہے۔
ایک اعلی عہدیدار نے ای ٹی وی بھارت کو فون پر بتایا کہ مسلسل خشک موسمی حالات کی وجہ سے جنگلات میں آتشزدگی کے واقعات رونما ہو رہے ہیں لہذا وہاں جانے والے افراد کو سگریٹ نوشی یا آگ جلانے سے پرہیز کرنا چاہیے۔