Traders Federation Dissolved in Pulwama: پلوامہ میں نئی ٹریڈرس فیڈریشن نومبر تک منتخب ہوگی

ضلع پلوامہ میں آج ٹریڈرس فیڈریشن کے ممبران کی جانب سے ایک اجلاس منعقد کیا گیا۔ اجلاس میں پرانے فیڈریشن کو تحلیل کرکے نئی ٹریڈرس فیڈریشن کو نومبر تک منتخب کرنے کا فیصلہ لیا گیا۔ وہیں ٹریڈس فیڈریشن نے جہانگیر احمد کو عبوری صدر منتخب کیا۔Traders Federation Dissolved in Pulwama

پلوامہ:جنوبی کشمیر کے ضلع پلوامہ میں آج ٹریڈرس فیڈریشن کے ممبران کی جانب سے ایک اہم اجلاس منعقدکیا گیا۔ اجلاس میں ٹریڈرز فیڈریشن کے ممبران اور قصبہ پلوامہ کے ذی وقار شہریوں نے شرکت کی۔

پلوامہ ٹریڈرز فیڈریشن 40 ممبران پر مشتمل ہے جن میں سے 25 ممبران نے پرانے ٹریڈرس فیڈریشن کو تحلیل کرنے کے حق میں اپنی رائے ظاہر کی۔ ٹریڈرس فیڈریشن ممبران کے مطابق سابقہ ٹریڈرز فیڈریشن نے ایک لمبے عرصے سے تاجروں کی بہبودی کے لیے کوئی ٹھوس اقدامات نہیں اٹھائے جس کی وجہ سے پرانے ٹریڈرس فیڈریشن کو تحلیل کر دیا گیا ہے۔ٹریڈرس فیڈریشن نے جہانگیر احمد کو پلوامہ ٹریڈرس فیڈریشن کا عبوری صدر منتخب کیا گیا۔ وہیں ٹریڈرس فیڈریشن نے نئی باڈی نومبر تک منتخب کرنے کا فیصلہ کیا ہے۔Traders Federation Dissolved in Pulwama

اس موقع پر ریاض احمد نے بات کرتے ہوئے نوجوانوں سے اپیل کی کہ وہ پلوامہ ٹریڈرس فیڈریشن کو کامیاب کرنے کے لیے آگے آئیں۔ انہوں نے کہا کہ اب ضلع پلوامہ کے تاجروں کو اپنا اندراج آن لائن کروانا ہوگا جس کی وجہ سے دفتروں کے چکر نہیں لگانے پڑے گے۔

اس موقع پر نو منتخب صدر جہانگیر احمد نے کہا پلوامہ ٹریڈرز فیڈریشن کے ممبران کی جانب سے مجھے جو ذمہ داریاں سونپی گئی ہے مجھ امید ہے کہ میں ان کو پورا کروں گا۔