پلوامہ:پبلک آؤٹ ریچ پروگرام کو جاری رکھتے ہوئے پلوامہ پولیس نے آج ضلع پلوامہ کے سبھی پولیس اسٹیشنوں میں تھانہ دیوس کا انعقاد کیا۔ پولیس نے ضلع کے کاکاپورہ، پلوامہ، راجپورہ، لیتر اور پی پی نیوا میں تھانہ دیوس کا انعقاد کیا تھا۔ تھانہ دیوس کی صدارت متعلقہ نگران پولیس افسران نے کی،جس میں سرپنچوں، پنچوں، معزز شہریوں، ٹریڈرز فیڈریشن، متعلقہ علاقوں کے ٹرانسپورٹرز نے شرکت کی۔ Thana Diwas Observed in Pulwama Police Stations
میٹنگ کے دوران شرکاء نے عوامی اہمیت کے مختلف مسائل پر روشنی ڈالی اور انہیں یقین دلایا گیا کہ پولیس سے متعلق ان کی حقیقی شکایات کو ترجیحی بنیادوں پر حل کیا جائے گا اور سول انتظامیہ کی جانب سے ان کے جلد ازجلد متعلقہ محکموں کے ساتھ بات کی جائے گی۔
اس موقع پر پولیس افسران نے بتایا کہ تھانہ دیوس پولیس اور عوام کے درمیان فاصلہ کم کرنے اور عام لوگوں کی شکایات سننے اور ان کے ازالے کے لیے ایک اقدام ہے۔ کمیونٹی پولیسنگ کو عوامی اعتماد میں اضافے کے لیے لازمی قرار دیا گیا ہے،جس سے عوام کے اعتماد کو بڑھانے میں مدد ملے گی۔