ضلع پلوامہ کے قصبہ پانپور میں ڈرائیوروں نے انہیں اسٹینڈ سے ہٹائے جانے کے خلاف احتجاجی مظاہرہ کیا۔
احتجاجی ڈرائیوروں کا کہنا تھا کہ وہ گزشتہ ایک دہائی سے سومو اسٹینڈ سے وادی کے مختلف اضلاع کی جانب سومو سروس چلا رہے ہیں جس کے متعلق رجسٹریشن سمیت دیگر دستاویز ان کے پاس موجود ہیں۔
انہوں نے کہا کہ حالیہ دنوں اسٹینڈ سے متعلق انتظامیہ کی جانب سے نیلامی کا مجوزہ فیصلہ ڈرائیوروں کے حق میں نہیں۔ انہوں نے الزام عائد کرتے ہوئے کہا: ’’سیاسی اثر و رسوخ رکھنے والے افراد ہمیں سومو اسٹینڈ سے بے دخل کرکے ہمیں بے روزگار کرنا چاہتے ہیں۔‘‘
اس ضمن میں پانپور میونسپل کمیٹی کے ایگزیکٹیو آفیسر شکیل احمد نے اسٹینڈ کا دورہ کرکے احتجاجی ڈرائیوروں کے مطالبات سننے کے بعد کہا ’’یہ معاملہ عدالت میں زیر سماعت ہے اور جلد ہی اس ضمن میں انصاف منظر عام پر آئے گا۔‘‘
