پلوامہ: بارش کے پانی کو بچانے کے لیے بیداری

وادی میں پانی کی قلت کے مد نظر لوگوں میں بارش کے پانی کو بچانے کے لیے بیداری پیدا کی جا رہی ہے۔

آبی ذخائر کو بچانے اور بارش کے پانی کو قابل استعمال بنانے کے لیے آج محکمہ دیہی ترقی اور جل شکھتی کے باہمی اشتراک سے ڈاڈسرہ ترال میں ایک جانکاری پروگرام منعقد ہوا، جس میں بڑی تعداد میں متعلقہ محکموں کے ساتھ ساتھ آشا ورکروں اور گرام سیوکوں نے شمولیت کی۔

پروگرام کے دوران ماہرین کی طرف سے پانی کو بچانے کے لیے مختلف تیکنیکی زاویوں پر بات چیت کی گئی اور قومی سطح پر پانی کے بچاؤ کے حوالے سے کیے جا رہے سرکاری اقدامات کو بیان کیا گیا۔ حاضرین نے دیہی ترقی محکمے کی اس کاوش کو سراہتے ہوئے اسے مستقبل میں بھی جاری رکھنے کی اپیل کی۔

میڈیا سے بات کرتے ہوئے پنچایت سیکرٹری ڈاڈسرہ ندیم شمیم نے بتایا کہ آج کے پروگرام میں پانی کو بچانے کے لیے حاضرین کو آگاہی دی۔ قومی سطح پر بارش کے پانی کو بچانے کے لیے ایک پروگرام چل رہا ہے۔ انہوں نے کہا کہ بارش کے پانی کو بچاؤ۔