ضلع پلوامہ کے سب ضلع ترال میں جمعرات کی شام اس وقت غم و اندوہ کی لہر دوڈ گئی۔ جب علاقے کے معروف استاذ و ماہر تعلیم محمد صدیق نائک مختصر علالت کے بعد انتقال کرگئے۔
مرحوم کا شمار جنوبی کشمیر اور ضلع پلوامہ کی اہم ترین علمی شخصیت کے طور پر کیا جاتا تھا جنہوں نے معیاری تعلیم کے لیے علاقے میں کافی کام کیا جسے ہمیشہ یاد رکھا جائے گا۔ مرحوم محمد صدیق نائک کو نہ صرف ان کے شاگرد بلکہ عام لوگ بھی کافی قدر و عزت کی نگاہ سے دیکھتے تھے۔
وہ نوکری سے سبکدوش ہونے کے بعد سماجی کاموں میں بھی ہمیشہ پیش پیش رہتے تھے اور نوجوانوں کی حوصلہ افزائی کیا کرتے تھے۔ مرحوم کی وفات پر سیول سوسائٹی ترال کے چیئرمین اشفاق احمد کار، بشیر احمد ریشی، محمد اشرف وانی کے علاوہ دیگر معزز شخصیات نے گہرے دکھ کا اظہار کیا۔