اونتی پورہ: منشیات فروشی کے الزام میں دو افراد گرفتار

اونتی پورہ پولیس نے دو افراد کو گرفتار کر کے ان کی تحویل سے بھاری مقدار میں چرس برآمد کرنے کا دعویٰ کیا ہے۔

جنوبی کشمیر کے اونتی پورہ میں کیگام کے مقام پر پولیس کی پارٹی نے ایک گاڑی کی تلاشی کے دوران بھاری مقدار میں منشیات ضبط کرنے کا دعویٰ کرتے ہوئے گاڑی میں سوار دونوں افراد کو حراست میں لے لیا۔

پولیس ذرائع کے مطابق گاڑی کی تلاشی کے دوران قریب ایک کلو چار سو گرام چرس بر آمد کیا گیا جسکی قیمت لاکھوں روپے بتائی جاتی ہے۔

اونتی پورہ پولیس نے چرس اور گاڑی کو ضبط کرکے ڈرائیور سمیت گاڑی میں سوار دو افراد کو گرفتار کر لیا۔

پولیس نے گرفتار کیے گئے افراد کی شناخت عرفان رفیق اور مدثر احمد بٹ ساکنان بارہ مولہ کے طور پر کی ہے۔

اونتی پورہ پولیس نے دونوں کے خلاف مقدمہ درج کرکے مزید کارروائی شروع کر دی ہے۔