ترال: لاک ڈاؤن میں مہنگائی سے پریشان عوام

ایک طرف وادی میں لاک ڈاؤن کی وجہ سے زندگی مفلوج ہو کر رہ گئی ہے، وہیں سب ضلع ترال میں بھی کورونا لاک ڈاؤن بدستور جاری ہے۔

انتظامیہ کی جانب سے لاؤڈ اسپیکرز کے ذریعے یہ اعلان کیا جا رہا ہے کہ کرفیو پر سختی سے عمل کیا جائے اور رہنما خطوط پر عملدرآمد کیا جائے، تاہم کورونا کرفیو کے بیچ ترال علاقے میں ناجائز منافع خوروں کے حوصلے بلند ہیں اور کووڈ لاک ڈاؤن کی آڑ میں عام صارفین کو لوٹا جا رہا ہے۔ تاہم انتظامیہ کی سرد مہری سے لوگ پریشانیوں میں مبتلا ہیں۔

مقامی عبدالغنی نے ای ٹی وی بھارت کو بتایا کہ 'ترال میں مہنگائی آسمان چھو رہی ہے انتظامیہ نے جیسے ناجائز منافع خوروں کے سامنے ہاتھ کھڑے کر دیے ہیں، عوامی حلقوں نے مطالبہ کیا ہے کہ ترال علاقے میں قیمتوں کو اعتدال پر لانے کے لیے اقدامات کیے جائیں۔

اس بارے میں ایڈشنل ڈپٹی کمشنر ترال شبیر احمد رینہ نے ای ٹی وی بھارت کو بتایا کہ 'ان کے پاس بھی اس حوالے سے چند شکایات آئی تھیں، جس کے بعد ایک چیکنگ اسکارڈ بنایا گیا ہے جو قیمتوں کو اعتدال پر لانے کے لیے متحرک ہے اور امید ہے کہ آنے والے ایام میں اس قسم کی شکایات موصول نہ ہوں۔