پلوامہ:بھلے ہی انتظامیہ عوام کو صاف پانی فراہم کرنے کے لیے کروڑوں روپے خرچ کر رہی ہے تاہم گاؤں دیہات میں اب بھی سینکڑوں اسکیمز نا مکمل ہونے سے سرکاری پیسہ ضائع ہو رہا ہے۔ وہیں دوسری جانب ان اسکیموں کے لئے اپنی زمین فراہم کرنے والے افراد معاوضہ کے لیے در بدر کی ٹھوکریں کھانے پر مجبور ہو گئے ہیں۔ No compensation provided to land Donor in Tral
سب ضلع ترال کے شاہ محلہ، چوپان بستی، چیواہ اولر نام کے علاقے میں واٹر سپلائی اسکیم سال دو ہزار بارہ میں شروع کی گئی۔ پانی کی طرح روپیہ بہایا گیا لیکن نہ اسکیم مکمل ہو گئی اور نا اسکیم کے لیے زمین فراہم کرنے والے لوگوں کی مراد بر آئی۔ کیونکہ انہیں نہ نوکری ملی اور نہ ہی معاوضہ۔ اپنی فریاد سناتے ہوئے معراج الدین ریشی نام کے ایک شہری نے ای ٹی وی بھارت کو بتایا کہ سال دو ہزار سترہ میں اس نے پہلے جل شکتی محکمہ کو ایک کنال زمین دی اور اسے یہ بھروسہ دیا گیا کہ اس کے عوض اسے سرکاری نوکری فراہم کی جائے گی تاہم سال 2019 میں پھر انتظامیہ کی ایک ٹیم نے کہا اب نوکری نہیں لیکن معاوضہ دیا جائے گا اور اس وقت چودہ مرلے زمین واپس کی گئی۔ Tral Resident Donated Land to Jal Shakti