پلوامہ: نئے میونسپل کونسلروں نے حلف لیا

ایڈیشنل ڈپٹی کمشنر پلوامہ ظفر شال نے کونسلرز کو حلف برداری کرآئی۔ اس موقع پر ضلع کے مختلف محکموں کے سیکٹر افسرآن بھی پروگرام میں موجود رہے۔

وادی کے مختلف اضلاع کی طرح آج ضلع پلوامہ میں بھی میونسپل کونسلر کے لئے حلف برداری کا پروگرام منعقد کیا گیا، جس میں ضلع پلوامہ کے پانچ میونسپل کمیٹی کے اُن تمام 32 کونسلر نے حلف لے کر اس بات کا اعترآف کیا ہے کہ وہ آٸین ہند کی پاسداری کرتے ہوئے اپنی ذمہ داری کو ایمانداری سے انجام دیں گے۔

ایڈیشنل ڈپٹی کمشنر پلوامہ ظفر شال نے کونسلرز کو حلف برداری کرآئی اس موقع پر ضلع ترقیاتی کمشنر پلوامہ ڈاکٹر رگھو لنگر کے علاوہ مختلف محکموں کے سیکٹر افسرآن بھی پروگرام میں موجود رہے۔

ضلع ترقیاتی کمشنر پلوامہ ڈاکٹر راگھو لنگر نے ان کونسلرز کو مبارکبادی پیش کی۔ انہوں نے کونسلرز کو متعلقہ علاقوں میں زمہ داری سے کام کرنے کا بھی مشورہ دیا۔

کمشنر موصوف نے کہا کہ ان کونسلرز کے وجود میں آنے سے جموں وکشمیر کی تعمیر و ترقی کا ایک نیا دور شروع ہو جائے گا۔ انہوں نے کہا تعمیر و ترقی کے ساتھ ساتھ یہاں جمہوریت کی جڑیں بھی مضبوط ہو جائيں گی۔ جس سے یہاں کے لوگوں کو ہر طرح کے حقوق مل جائیں گے۔