ترال: عسکریت پسندوں کی کمین گاہ تباہ

جنوبی کشمیر کے  ترال علاقے میں پولیس نے عسکریت پسندوں کی ایک کمین گاہ کو تباہ کرنے کا دعویٰ کیا ہے۔

ایس ڈی پی او ترال ڈاکٹر اعجاز ملک نے ایک پریس کانفرنس کے دوران ذرائع ابلاغ کے نمائندوں کو بتایا کہ ’’مصدقہ اطلاع موصول ہونے پر پولیس، سی آر پی اور فوج کی مشترکہ ٹیم نے علی الصبح جنگلات میں کمین گاہ کا پتہ لگا کر اسے تباہ کر دیا۔‘‘

انہوں نے کہا کہ کمین گاہ سے بھاری مقدار میں گولہ بارود برآمد کیا گیا جسے ’’عسکریت پسند کسی بڑی کارروائی کے لیے استعمال کرنا کا منصوبہ رکھتے تھے۔‘‘

ایک سوال کے جواب میں ایس ڈی پی او نے کہا کہ کمین گاہ جیش محمد تنظیم سے وابستہ عسکریت پسندوں کی تھی۔

دریں اثناء ضلع کولگام کے دیوسر علاقے میں بھی پولیس نے جنگلات میں ایک کمین گاہ کا پتہ لگا کر اسے تباہ کر دیا۔